एजेन्सी - मनसुन सिजन अहिले चरम अवस्थामा छ । यो मौसममा शरीरको ख्याल गरिएन भने धेरै प्रकारका रोग लाग्न सक्छन् । यो मौसममा सङ्क्रमणको जोखिम धेरै गुणा बढ्छ । तसर्थ यति बेला यस्ता चिजको सेवन गर्नुपर्छ जसले रोग प्रतिरोधात्मक क्षमता बढाउनुका साथै शरीरलाई शक्ति पनि दिन्छ । आजकाल चट्टेल बजारमा प्रशस्त मात्रामा पाइन्छ । यसको तरकारी बनाएर खाँदा शरीरलाई धेरै फाइदा हुन्छ । यसको सेवनले पाचन प्रणालीलाई मजबुत बनाउनुका साथै शरीरलाई मौसमी रोगबाट बचाउँछ । यसमा सोडियम, पोटासियम, फाइबर, क्याल्सियम, प्रोटिन, फोलेट र कार्बोहाइड्रेट जस्ता धेरै प्रकारका पोषक तत्त्वहरू पाइन्छन् । साथै, यो खाँदा कलेजो पनि स्वस्थ रहन्छ र आँखाको ज्योति पनि तेजिलो हुन्छ । यसको तरकारी खानमा स्वादिलो हुनुका साथै यसले शरीरलाई बलियो बनाउँछ । मनसुनमा चट्टेलको तरकारी खानुका अन्य फाइदाहरूबारे जान्नको लागि एक भारतीय सञ्चार माध्यमले पोषणविद् सुमनसँग कुराकानी गरेको छ । 

पाचन प्रणालीका लागि लाभदायी
वर्षामा चट्टेलको तरकारी खाँदा पाचन सम्बन्धी समस्या हट्छ । यसमा पाइने फाइबरले ग्यास, एसिडिटी, अपच र कब्जियतको समस्यालाई हटाउँछ। यसमा पानीको मात्रा पनि धेरै पाइन्छ । त्यसैले यसको सेवनले शरीरलाई हाइड्रेटेड राख्छ र  पेट सफा गर्न पनि मद्दत गर्छ ।

बलियो हड्डी
चट्टेल खाँदा हड्डी पनि मजबुत रहन्छ । यसमा क्याल्सियम प्रचुर मात्रामा पाइन्छ, जसले हड्डीलाई बलियो बनाउँछ र दुखाइमा पनि राहत दिन्छ। हड्डी सम्बन्धित समस्या भएका व्यक्तिहरूले आहारमा चट्टेल समावेश गर्नुपर्छ ।

आँखाका लागि फाइदाजनक 
चट्टेलमा भिटामिन ए प्रचुर मात्रामा पाइन्छ, जसले आँखा सम्बन्धी समस्यालाई हटाएर आँखालाई स्वस्थ राख्छ । यसको प्रयोगले आँखाको मांसपेशीलाई बलियो बनाउन मद्दत गर्छ । यदि तपाईं पनि आँखामा कमजोरी महसुस गर्दै हुनुहुन्छ भने चट्टेललाई आहारमा समावेश गर्नुहोस् ।

कलेजो स्वस्थ राख्न
मनसुनमा कलेजो सम्बन्धी समस्या धेरै पटक हुने गर्छ । यस्तो अवस्थामा यसको प्रयोगले कलेजो स्वस्थ रहन्छ । यसमा पाइने एन्टिअक्सिडेन्ट र फ्लेभोनोइड तत्त्वले कलेजोलाई डिटक्सिफाई गरी स्वस्थ राख्छ । चट्टेलको सेवनले कलेजोसम्बन्धी रोगबाट बच्न सकिन्छ ।

एन्टी एजिङ गुण
यदि तपाईं पनि बढ्दो उमेरका कारण छालामा आइरहेको दागबाट हैरान हुनुहुन्छ भने चट्टेललाई आहारमा समावेश गर्नुपर्छ । काँक्रोमा एन्टिअक्सिडेन्ट, बिटा क्यारोटिन, अल्फा क्यारोटिन, ल्युटिन र जेक्सान्थिन जस्ता तत्त्वहरू पाइन्छन्, जसले बुढ्यौलीका लक्षणहरूलाई कम गर्छ ।

मनसुनमा चट्टेल खाँदा शरीर स्वस्थ रहन्छ । तर, यदि तपाईंलाई कुनै रोग वा एलर्जीको समस्या छ भने, डाक्टरलाई सोधेपछि मात्र यसको सेवन गर्नुहोस् ।