त्रिशक्ति युनाईटेड क्लब माछापुच्छ्रे ४ लाहाचोकको आयोजनामा हिले महोत्सव हुनेभएको छ । लाहाचोक स्थित शेरा चौतारी फाट (माछापुच्छ्रे गाउँपालिकाको नयाँ भवन संगै ) मा यही अषाढ १५ गते महोत्सव हुन लागेको हो ।
महोत्सव अन्तरगत हल गोरु दौड प्रतियोगिता हुनेछ । जसमा प्रथम हुनेले नगद रु ३ हजार ३ सय ३३ साथमा प्रमाणपत्र प्राप्त गर्नेछन् । पुरुष तथा महिला ५० मि. हिले दौडमा प्रथम हुनेले नगद रु १ हजार २ सय साथमा प्रमाणपत्र प्राप्त गर्नेछन् । महिला तथा पुरुष रसी तान्ने प्रतियोगितामा प्रथम हुने समुहले नगद रु ३ हजार साथमा प्रमाणपत्र प्राप्त गर्नेछन् । एक समुहमा ८ जान सहभागी हुन पाउनेछन् । त्यस्तै खुल्ला महिला तथा पुरुष धौटो फुटाउने, धान रोप्ते, खुल्ला सामुहिक तथा एकल हिले नाच, माछा समात्ने , पुरुष ५ ए हिले फुटबल, लगायतका प्रतियोगिताहरु हुने क्लबका अध्यक्ष उमेश बाँस्तोलाले जानकारी दिनुभयो ।
माछापुच्छ्रे ४ वडा कार्यालयको संरक्षणमा हुने महोत्सवमा विभिन्न उत्कृष्ट युवा किसान व्यवसायि सम्मान गरिने राजु नेपाली बताउनुभयो ।
