काठमाडौं । तुलसी घिमिरे निर्देशित फिल्म ‘दर्पणछाया २’ की अभिनेत्री सहारा कार्कीले प्रेमीसँग टीकाटालो गरेकी छन् । आइतबार अमेरिकामा आयोजित समारोहमा यी दुईले इन्गेजमेन्ट गरेका हुन् । यही फिल्मका डेब्यु कलाकार फिरोज तिमल्सिनासँग उनी केही समयदेखि प्रेम सम्बन्धमा छिन् ।
यो फिल्म बक्स अफिसमा असफल भए पनि यी दुईको प्रेम सम्बन्धले पनि त्यसयता निरन्तरता पायो । दुवैले सामाजिक सञ्जालमा इन्गेजमेन्टका तस्वीर सेयर गरेका छन् । ‘सधैंभरिका लागि नयाँ सुरुवात’ लेख्दै सहाराले तस्वीर सेयर गरेकी छन् । इन्गेजमेन्ट औंठी देखाउँदै उनीहरुले रोमान्टिक तस्वीर सार्वजनिक गरेका हुन् ।
‘दर्पणछाया २’ मा सहाराको शीर्ष भूमिका थियो । फिल्म असफल भएपछि उनी अमेरिकातिर लागिन् । फिरोज भने नेपालमा रहँदा भ्वाइस अफ नेपाल र नेपाल आइडलजस्ता टिभी रियालिटी शोमा व्यस्त थिए । उनीहरुले केही म्युजिक भिडियोमा पनि अभिनय गरेका छन् । आगामी महिना उनीहरुबीच विवाह हुने स्रोतले जनाएको छ ।
