काठमाडौँ । संयुक्त राज्य अमेरिका लगायत विभिन्न मुलुकमा फेलोसिपमा अध्ययन गर्न जाने चिकित्सकलाई दिइने ‘आवश्यकताको पत्र’ स्टेटमेन्ट अर्फ निड पत्र अव चिकित्सकका शिक्षा आयोगबाट दिइने भएको छ ।
मङ्गलवार स्वास्थ्य मन्त्रालयले जारी गरेको सूचनामा पत्र प्रदान गर्ने प्रक्रियालाई थप व्यवस्थित र एकद्वार गराउन आयोगबाट दिन लागिएको उल्लेख गरिएको छ ।
चिकित्सा शिक्षा आयोगलाई पत्र आवश्यकताका आधारमा उपलब्ध गराउन पत्राचार गरिएको मन्त्रालयका वरिष्ठ स्वास्थ्य प्रशासक डा. समीर कुमार अधिकारीले जानकारी दिए ।
‘मन्त्रीस्तरीय बैठकबाट जेठ २१ गते निर्णय गरी अब उपरान्त आवश्यकताको पत्र आयोगबाट जारी हुने व्यवस्था गर्न, गराउन आयोगलाई पत्राचार गरिएको छ ,’ सूचनामा उल्लेख छ ।
