काठमाडौं । फिल्म ‘पुष्पा’को ‘उ अन्तावा’ गीतबाट हलचल मच्चाएकी दक्षिण भारतीय अभिनेत्री सामन्था रुथ प्रभुले दिनप्रतिदिन सफलताको नयाँ उडान भरिरहेकी छन् । उनी अहिले सर्बियामा वरुण धवनसँग ‘सिटाडेल’को सुटिङ गरिरहेकी छिन्, जुन प्रियंका चोपडाको सोही नामको वेब सिरिजको भारतीय संस्करण हो ।
अब सामन्थाका फ्यानका लागि अर्को खुसीको खबर छ । अर्थात्, सामन्थाले आफ्नो पहिलो हलिउड फिल्म पाएकी छिन् । उनले छिट्टै हलिउड फिल्म ‘चेन्नई स्टोरी’को सुटिङ सुरु गर्नेछिन् । मिडिया विवरणका अनुसार ‘सिटाडेल’ वेब सिरिजमा काम सकिएपछि सामन्थाले अभिनेता विवेक कालरासँग आफ्नो पहिलो अंग्रेजी फिचर फिल्मको सुटिङ सुरु गर्नेछिन् । टिमरी एन मुराको उपन्यास ‘द हजेमेन्ट अफ लभ’मा आधारित हुने यो फिल्मलाई बाफ्टा विजयी निर्देशक फिलिप जोनले निर्देशन गर्दैछन् ।
फिल्म दक्षिण एसियाली वेल्सम्यान (विवेक कालरा)को कथा भन्छ जो आफ्नो पिताको पात्रको लागि चेन्नईको यात्रामा निस्कन्छ । त्यस क्रममा जासूसको भूमिकामा सामन्था रुथ प्रुभले सहायता माग्छिन् । रोम-कमको कथावस्तुमा आधारित फिल्ममा पूर्व र पश्चिमा संस्कृतिलाई सेलिब्रेट गरिएको छ । यी दुई संस्कृतिलाई जोड्दै भिन्नतालाई पनि प्रस्तुत गरिएको छ । यसबाहेक प्रेमलाई पनि चित्रण गरिनेछ ।
यो फिल्मको छायांकन भारतको चेन्नई र बेलायतमा हुनेछ । यो अंग्रेजी र तमिल दुवै भाषामा रिलिज हुने अपेक्षा गरिएको छ । यसबाहेक सामन्थासँग फिल्म ‘कुशी’ पनि छ, जसमा उनीसँगै विजय देवरकोंडा पनि छन् । यो फिल्म सेप्टेम्बर १ मा रिलिज हुँदैछ ।
