काठमाडौँ । आफ्नो छोरीले मिस नेपाल इन्टरनेसनलको उपाधि जितेपछि प्रथम मिस नेपाल रुवि राणा भावुक बनेकी छिन् । राणाकी छोरी प्रसिद्धी शाहले मिस नेपाल वर्ल्ड २०२३ को फिनालेमा सो उपाधि हात पारेकी हुन् ।
उपाधि जितेसँगै रातोपाटीसँगै संक्षिप्त कुराकानी गर्दै राणाले भनिन्, ‘मलाई निकै गर्व महसुस भइरहेको छ । छोरीले अझै प्रगति गरोस्, योभन्दा माथि जाओस् भन्ने कामना छ ।’ ललितपुरबाट प्रतियोगी शाह वातावरण विज्ञानमा स्नातक हुन् ।
मिस नेपाल वर्ल्डको उपाधि भने श्रीच्छा प्रधानले जितेकी छन् । ललितपुरको गोदावरीमा शनिबार सम्पन्न अन्तिम स्पर्धामा उनले २३ प्रतियोगीलाई पछि पार्दै उपाधि चुमेकी हुन् । त्यस्तै रैना मजगैया मिस नेपाल अर्थ घोषित भएकी छन् ।
