काठमाडौंँ । राष्ट्रिय सभाका अध्यक्ष गणेश तिमल्सिनाले फिल्म र फिल्म पत्रकारितालाई सबैले माया गर्नुपर्ने बताएका छन् । नेपाली कलासंस्कृतिलाई अन्तर्राष्ट्रिय स्तरमा पुर्याउन फिल्म र फिल्मी पत्रकारिताको महत्वपूर्ण भूमिका रहने उनको धारणा रहेको थियो ।
आइतबार साँझ चलचित्र पत्रकार संघको २४ औं वार्षिक उत्सवमा प्रमुख अतिथिका रुपमा सहभागी तिमल्सिनाले नेपाली फिल्मलाई विश्वमा नै फरक पहिचान दिलाउन सबैले आ–आफ्नो ठाउँबाट भूमिका खेल्न आग्रह गरे ।
‘फिल्ममा कलाकारको अभिनय कस्तो छ, फिल्मले के भन्न खोजेको छ, फिल्म हेर्ने कि नहेर्ने भन्ने धेरै कुरा पत्रकारिताबाट आउने भएकाले यसलाई सबैले माया गर्नुपर्छ’ उनले भने । कार्यक्रममा ७ रंग पत्रकारले पुरस्कार र सम्मान प्राप्त गरेका थिए ।
