२७ वैशाख, विराटनगर । एसिया कप क्रिकेट प्रतियोगितामा छनोट भएको नेपाली राष्ट्रीय क्रिकेट टोलीलाई सम्मानसहित विराटनगर बजार परिक्रमा गराइएको छ ।
काठमाडौंमा गतहप्ता भएको एसिसी प्रिमियर कपको उपाधि जित्दै एसिया कपमा छनोट भएको नेपाली टोलीलाई सम्मानसहित विराटनगर नगर परिक्रमा गराइएको हो ।
नेपाल उद्योग वाणिज्य महासंघ कोशी, उद्योग संगठन मोरङ र मोरङ व्यापार संघले बजार परिक्रमा गराएको हो ।
राष्ट्रिय टोलीका प्रमुख प्रशिक्षक मोन्टी देशाईसहितका खेलाडीहरुलाई विराटनगर कञ्चरबारीबाट बरगाछी–तीनपैनीबाट रोडशेषहुँदै महेन्द्रचौकदेखि बरगाछीसम्म बजार परिक्रमा गराइएको थियाे ।
