काठमाडौँ । शहिद स्मारक ए डिभिजन लिग अन्तर्गत आज दुई खेल हुदै छ । आजका दुवै खेल अपराहन्न ३ बजेदेखि हुने एन्फाले जनाएको छ ।
आज एन्फा कम्प्लेक्समा संकटा क्लबले त्रिभुवन आर्मी क्लबको सामना गर्ने छ ।
जारी लिगमा संकटाको १४ खेलमा १६ अंक रहेको छ र लिगमा १२औं स्थानमा रहेको छ । त्यस्तै त्रिभुवन आर्मी क्लबको १४ खेलमा २० अंक रहेको छ र लिगमा छैटौं स्थानमा रहेको छ ।
त्यस्तै आज अर्को खेल दशरथ रंगशालामा मछिन्द्र क्लबले एपीएफ क्लबको सामना गर्ने छ ।
जारी लिगमा मछिन्द्र क्लबको १४ खेलमा २१ अंक रहेको छ र लिगमा पाँचौं स्थानमा रहेको छ भने एपीएफको १४ खेलमा १९ अंक रहेको छ र लिगमा आठौँ स्थानमा रहेको छ ।
