काठमाडौँ । आमाको गर्भनालमा कोभिड–१९ को भाइरस रहेका कारण क्षतिग्रस्त मस्तिष्कसहित दुईवटा शिशु जन्म भएको पत्ता लागेको छ ।
अमेरिकन सोधकर्ताको एउटा समूहको अध्ययन अनुसार कोभिड–१९ का भाइरसका कारण क्षतिग्रस्त मस्तिष्कसहित ती बच्चाहरू जन्मेको यो पहिलो घटना हो ।
पीडियाट्रिक्स जर्नलमा प्रकाशित मियामी विश्वविद्यालयको अध्ययन अनुसार २०२० मा कोभिड–१९ को डेल्टा भेरियंटको चरम अवस्थामा दुवै बच्चाको आमा गर्भवती भएका थिए, जसमा कोरोना पोजेटिभ देखिएको थियो । सोही समयमा दुवै बच्चाको जन्म भएको थियो । जसमध्ये एउटा १३ महिनाको उमेरमा मृत्यु भइसकेको छ भने अर्को बच्चालाई अस्पतालको रेखदेखमा उपचार गरी राखिएको छ ।
मियामी विश्वविद्यालयका बाल रोग विशेषज्ञ तथा उपप्राध्यापक डा.मर्लिन बेनीले भनिन, ‘दुवै बच्चामा कोरोना भाइरस पोजेटिभको कुनै लक्षण पाइएको थिएन, उनीहरूको रक्तकोष पनि कोभिड प्रतिरोधात्मक उच्च दरको नै थियो ।'
उनी अगाडी भन्छिन्, ‘यसबाट के पत्ता लाग्यो भने आमाको गर्भनालमा कोरोना भाइरस थियो, जो बच्चाहरूमा स्थानान्तरण हुन पुग्दा मस्तिष्कमा क्षति हुन पुग्यो ।’
रोयटर्सका अनुसार मियामी विश्वविद्यालयका शोधकर्ताहरूले दुवै आमाको गर्भनालमा भाइरस रहेको प्रमाण फेला पारेको थिए । डा बेनीले भनिन, ‘मृत्यु भएका बच्चाको मस्तिष्कका आटोप्सीमा कोरोना भाइरसको निशाना देखियो, जसबाट के कुरा पत्ता लाग्यो भने सिधा आक्रामणवाट उसको मस्तिष्कमा चोट लाग्न पुग्यो ।’
सो अध्ययनका अनुसार दुवै आमा कोभिड भाइरसबाट सङ्क्रमित त्यो बेला भएका थिए, जुन बेला डेल्टा भाइरसले अधिक संत्रमण गरेको थियो । त्यो बेलामा एक आमामा हल्का लक्षण देखा परेको थियो भने दोस्रो आमा भने गम्भीर रूपमा बिमारी भएकी थिइन, जसको बच्चालाई डाक्टरको निगरानीमा ३२ हप्तामा नै जन्म दिनु परेको थियो ।
मियामी विश्वविद्यालयका अर्का प्रसूति एवम् स्त्री रोग विशेषज्ञ डा. शहनाज दुआराले यस्तो घटना निकै दुर्लभ भएको बताए । तर, सो अनुसन्धान पछि कोभिड सङ्क्रमित आमाको बच्चा क्षतिग्रस्त मस्तिष्कसहित जन्मेको पत्ता लागेपछि उनले सुझाव दिँदै भनेका छन् कि कोरोना सङ्क्रमित महिलाहरूले यदि बच्चा जन्माएका छन् भने बच्चाको वृद्धि विकासको विषयलाई लिएर एक पटक चिकित्सकहरूसँग राय सल्लाह लिनुहोस् ।
