एजेन्सी । जाडो होस् वा गर्मी कफी पिउन सबैलाई मन पर्छ । तर तपाईंले आवश्यक भन्दा धेरै कफी पिउनुभयो भने यसले मुखको स्वास्थ्यमा एकदमै नराम्रो असर पर्न सक्छ ।
स्वास्थ्य विशेषज्ञका अनुसार अत्यधिक कफी पिउँदा मुखमा यस्ता असर पर्न सक्छन् :-
- कफीमा पाइने एसिडले दाँतको इनामेल नष्ट गर्न सक्छ । जसले गर्दा खानाका साना टुक्रा तथा ब्याक्टेरिया दाँतमा बस्न सक्छन् ।
- धेरै कफी पिउने गर्दा दाँतको घेरा तथा जोडमा कालो तथा खैरो घेरा बन्छ । जसले दाग बन्न सुरु हुन्छ र दाँत फोहोर देखिन्छ ।
- क्याफिनको मात्रा धेरै भयो भने मुखको नर्वस सिस्टम बिग्रन्छ । जसले गर्दा दाँतमा विभिन्न समस्या देखिन थाल्छन् ।
- कफी धेरै पिउँदा मुख सुख्खा हुन्छ र र्यालको उत्पादन कम हुन्छ । जसले अन्यका खालका स्वास्थ्य जटिलता आउन सक्छ ।
- क्याफिनका कारण मुखमा व्याक्टेरिया बढ्न थाल्छन् । जसले गर्दा मुखबाट नराम्रो गन्ध आउने समस्या पनि हुन्छ ।
- धेरै कफी पिउँदा दाँतको इनामेल जान्छ जसले गर्दा दाँत कमजोर हुन्छ । यसरी दाँतमा किरा लाग्ने सम्भावना अत्यधिक हुन्छ ।
- कफीको धेरै सेवनले दाँत क्रमश: पहेँलो हुँदै जान्छन् । यसलाई सामान्य ब्रस गरेर सेतो हुँदैन ।
