फागुन ३० माझठाना । कास्की पोखरा महानगरपालिका वडा नं. २८ स्थित माझठानामा कुल मन्दिर निर्माण गरिएको छ । अमेरीकामा रहदै आएका कृष्णसुनारले आफु जन्मेको ठांऊमा करिब रु. ८ लाख लागतको निजि खर्चमा मन्दिर निर्माण गरेका हुन। कृष्ण सुनारले आफ्ना परम पिता र माताको स्मृतीमा आफु जन्मेको ठांऊ पोखरा महानगरपालिका २८ माझठानामा उक्त मन्दिर निर्माण गरेका हुन । स्वर्गिय पिता दलबहादुर विश्वकर्मा र माता मंगली विश्वकर्माको सम्झना तथा सम्मानमा मन्दिर बनाएका हुन ।
उक्त मन्दिर निर्माणको लागि हरी संशेर सुनार,भक्त सुनार र खेम सुनारले जग्गा उपलब्ध गराएका हुन् । साथै नन्दराज सुनार र कुमार सुनारले समेत मन्दिर निर्माणमा सहयोगी गरेका छन् । मन्दिर निर्माण सकिए लगत्तै फागुन २७ गते कुल पुजाको अवशरमा मन्दिर उद्घाटनको तयारी गरिएको थियो ।
