काठमाडौँ, ३० फागुन । नायिका वर्षा सिवाकोटीको वैवाहिक सम्वन्ध एक वर्ष नपुग्दै पुर्ण विराम लागेको छ । उनका श्रीमान आशिष गेललले अर्को विवाह गरेका छन् ।
हिजो सोमबार उनका श्रीमान आशिष गेललका एक आफन्तले सामाजिक सञ्जालबाट उनले अर्कै युवतीसँग विवाह गरेको तस्विर र भिडियो बाहिरिएको छ ।
अमेरिका बस्दै आएका आशिषसँग वर्षाले गत वैशाख ९ गते नेपाली परम्परा अनुसार लगनगाँठो कसेकी थिइन् । विहेपछि वर्षा पनि अमेरिका गएर श्रीमानसँग बसेपनि केही समयमा नै नेपाल फर्केर बस्न थालेकी थिइन् ।
उनीहरु दुबै जनाले सामाजिक सञ्जालमा एक–अर्कालाई अनफलो गरेसँग एक–अर्काका फोटोहरु पनि हटाएका थिए । वर्षा र आशिषको औपचारिक सम्वन्ध विच्छेद भइसकेको छ ।
