साउथ फिल्मका चर्चित अभिनेता अल्लु अर्जुन यतिबेला आफ्नो आगामी फिल्म ‘पुष्पा २’ लाई लिएर चर्चामा छन् ।
‘पुष्पा’ बाट अभिनेता पान इन्डिया स्टार बनेका छन् । फिल्मको संवाद र गीतले आज पनि दर्शकको मन जितेको छ । फिल्मले रिलिजपछि बम्पर कमाई गरेको थियो । अहिले दर्शकहरु यसको दोस्रो भागको प्रतिक्षामा छन् । फिल्मको बारेमा केही न केही अपडेटहरू निरन्तर बाहिर आइरहेका छन् ।
यसैबीच, फिल्ममा रश्मिका मन्डन्ना बाहेक साउथ फिल्म इन्डस्ट्रीकी अर्की सुन्दरी पनि देखिने खबर आइरहेको छ । अल्लु अर्जुन अहिले ‘पुष्पा २’ को सुटिङमा व्यस्त छन् ।
मिडिया रिपोर्टको विश्वास गर्ने हो भने यो फिल्ममा साई पल्लवीको एन्ट्री हुने भएको छ । फिल्ममा रश्मिका मन्डन्नाका अलावा उनको महत्वपूर्ण भूमिका पनि रहनेछ । फिल्ममा उनको केमियो रोल रहने बताइएको छ ।
उनले एक साताभित्र फिल्मको छायांकन पूरा गर्नेछिन् । ‘पुष्पा २’ मा साई पल्लवीको भूमिकालाई लिएर निर्माण पक्षबाट अहिले कुनै आधिकारिक घोषणा गरिएको छैन, तर यो खबरले अभिनेत्रीका फ्यानलाई पक्कै पनि उत्साहित बनाएको छ । अल्लु अर्जुनसँग साईलाई हेर्न पाउनु फ्यानका लागि ट्रीट भन्दा कम छैन ।
यसअघि यो खबर पनि आइरहेको थियो कि सामन्था रुथ प्रभुलाई पनि ‘पुष्पा २’ को लागि अप्रोच गरिएको थियो तर उनले यो अफर अस्वीकार गरेकी छिन् । अल्लु अर्जुन र रश्मिका मन्डनाको फिल्म ‘पुष्पा २’ लाई लिएर निकै चर्चा चलेको छ ।
