काठमाडौं: आईसीसी विश्व क्रिकेट लिग टू अन्तर्गत त्रिकोणात्मक एकदिवसीय सिरिज खेलेर नेपाली टोली आज (मंगलबार) साँझ स्वदेश फर्कँदैछ।
दुबईमा भएका चारमध्ये तीन खेल जितेको नेपाली टोली आज साँझ ६ बजे त्रिभुवन अन्तर्राष्ट्रिय विमानस्थल आइपुग्ने नेपाल क्रिकेट संघ (क्यान)ले जनाएको छ।
३२ खेलबाट ३२ अंक जोडेको नेपाल अंक तालिकाको पाँचौं स्थानमा उक्लिएको छ । अब बाँकी ४ वटा खेल नेपालले घरेलु मैदानमै खेल्नेछ। दुई खेल युएई र दुई खेल पिएनजीविरुद्ध नेपालले किर्तिपुर मैदानमै खेल्नेछ।
खेलहरू आगामी बिहीबारदेखि सुरु हुनेछ । बिहीबार पहिलो खेलमा नेपालले पिएनजीसँग खेल्ने तालिका छ।
नेपालले लिग टूमा खेल्न बाँकी ४ मध्ये सबै खेल जित्न सके सिधै एक दिवसीय विश्वकप छनोटमा स्थान बनाउने छ । शीर्ष तीनभित्र पर्न नसके क्वालिफायर खेल्नुपर्ने छ । एकदिवसीय मान्यताका लागि बाँकी ४ मध्ये २ खेल जिते पुग्छ।
