स्वघोषित सामाजिक अभियन्ता शर्मिला वाइवाले विष पिएर आत्महत्याको प्रयास गरेको काठमाडौं प्रहरी प्रमुख एसएसपी दानबहादुर कार्कीले जानकारी दिए ।
घटना बुधबार राति काठमाडौंको बानियाँटारस्थित उनको निवासमा भएको हो । उनको हाल वीर अस्पतालमा उपचार भइरहेको छ, जहाँ उनको अवस्था चिन्ताजनक नभएको र उनी अझै बोल्न सक्ने अवस्थामा रहेको चिकित्सकहरुले बताएका छन् ।
तर, वाइबाले आफ्नो प्रयासको कारण खुलाउन अस्वीकार गरेकी छन् । यस घटनाले उनका समर्थकहरू बीच चिन्ता बढाएको छ, जसले उनलाई अगाडि आउन र मानसिक स्वास्थ्य समस्याहरूसँगको संघर्ष साझा गर्न आग्रह गरिरहेका छन्।
युट्युबमा एक विवादास्पद अन्तर्वार्तामा पत्रकार ऋषि धमलासँग आफ्नो नाम जोडेपछि वाइबा चर्चामा आएकी हुन् । यस्तै अभिनेता पल शाह काठमाडौं आउँदा स्वागत गर्न उनी विमानस्थल पुगेकी थिइन्। त्यतिबेला पनि यही विषयमा गायक राजेश पायल राईसँग उनले लफडा गरेकी थिइन्।
