काठमाडौं। पोखरा अन्तर्राष्ट्रिय विमानस्थलमा ल्यान्ड हुन लागेको बुद्ध एयरको जहाजमा चरा ठोक्किएको भिडिओ सामाजिक सञ्जालमा भाइरल भएपछि बुद्ध एअरले कुनै जहाजमा ठोक्किएको नदेखिएको बताएको छ।
सामाजिक सञ्जालमा भाइरल भइरहेको भिडिओ सोमबारको भएको बुद्ध एयरले बताउँदै नठोक्किएरै चरा झरेको हुनसक्ने बताएको छ। ‘जहाजमा चराको रगत, प्वाँख, र दाग केही लागेको छैन। चरा खसेको स्थानमा पुगेर पनि हेर्यौं। चरा जहाजको नजिकै आउँदा ध्वनि र हावाको वेगका कारण जहाजमा नछोइकन तल झरेको हुनसक्ने अनुमान छ’’ बुद्ध एअरका जनसम्पर्क अधिकृत रूपक जोशीले भने।
