गायिका रानी शाक्यको स्वरमा नयाँ गीत ‘उड्यो मन’ सार्वजनिक भएको छ । रानीको अफिसियल युट्युब च्यानलबाट यो गीत सार्वजनिक गरिएको हो । यो गीतमा रानीको स्वर, राजकुमार बगरको शब्द तथा संगीत छ । गीतले जिन्दगीलाई उडेर, रमाएर जिउन आग्रह गरेको छ ।
गीतको भाव जस्तै निर्देशक तथा कोरियोग्राफर रामजी लामिछानेले पनि भिडियो तयार पारेका छन । भिडियोमा मोडलद्धय स्मारिका ढकाल र आभा थापाको नृत्य हेर्न सकिन्छ । भिडियोमा उनीहरू, कुनै निसंकोच तरिकाले आफ्नो जीवन बाँचिरहेको देख्न सकिन्छ ।
भिडियोमा मान कृष्ण महर्जनको छायांकन, बन्दे प्रसादको छायांकन छ । गायिका रानीले यो गीतबाट आफूले युवतीहरूलाई कुनै तनावबिना रमाएर जिन्दगी जिउन आग्रह गरेको बताएकी छिन् ।
