सरोज खनाल अभिनीत सिरिज 'लाल बहादुर' को ट्रेलर सार्वजनिक (भिडिओ)

अखबार दैनिक

बिहीबार , माघ २६ २०७९

सरोज खनाल अभिनीत सिरिज 'लाल बहादुर' को ट्रेलर सार्वजनिक (भिडिओ)

सरोज खनाल अभिनीत सिरिज 'लाल बहादुर: द स्पार्क' को ट्रेलर सार्वजनिक भएको छ। २०७२ सालको विनाशकारी भूकम्पपछि पानीको मुहान सुकेको गाउँमा पानी ल्याउन गरेको संघर्षलाई सिरिजमा देखाइनेछ।

देवजंग थापाको लेखन तथा निर्देशन रहेको सिरिजमा सरोज खनालसँगै सुनिल थापा, खड्गबहादुर पुन (खबपु), सरिता राजोपाध्याय, लक्ष्मीनाथ तिमिल्सिना, गीता थापा पराजुली, रामबाबु रेग्मी, अनिता गिरी, जेनिस अधिकारी, रविन विष्ट, विश्व मुखियालगायत कलाकारको अभिनय छ।

चार सिजन गरी जम्मा ५२ एपिसोडको रहने र पहिलो सिजन १३ एपिसोडको रहेको निर्देशक थापाले जानकारी दिए। जी मिडिया कनेक्सन प्राली ब्यानरबाट बनेको सिरिजमा प्रकाश आङ्बुहाङ (हाङबारे) को लगानी रहेको छ।

नविन डाँगी निर्माण नियन्त्रक रहेको सिरिजमा नरेन्द्र लामा र स्वस्तिमा कार्कीको सहनिर्देशन, प्रनुप थापाको संवाद, विवेक उप्रेतीको सम्पादन र सञ्जिव सुब्बाको संगीत रहेको छ।

फाल्गुन पहिलो हप्ताबाट साप्ताहिक रुपमा प्रसारणमा आउने सिरिज जी मिडिया कनेन्कसनको युट्युब च्यानल र एक टेलिभिजनबाट एकसाथ प्रसारण हुनेछ। कुन टेलिभिजनबाट प्रसाहरण हुने भनेर टुंगो लागेको छैन।