२२ माघ काठमाडौँ। दक्षिण भारतीय अभिनेता थालपती विजय अभिनित फिल्म ‘लियो’ को टिजर सार्वजनिक भएको छ ।
सार्वजनिक उक्त टिजर मार्फत फिल्मको नाम र रिलिज मिति सार्वजनिक गरिएको छ । निर्देशक लोकेश कनागराजद्वारा निर्देशित उक्त फिल्म १९ अक्टोबर २०२३ मा हलमा रिलिज हुने भएको छ । फिल्मलाई पान इन्डिया रिलिज गर्ने निर्माण टिमको योजना रहेको छ ।
भारतीय सञ्चार माध्यमका अनुसार फिल्मको टिजर सार्वजनिक भएसँगै निर्माण पक्षले फिल्मको छायांकन सुरु गरिसकेको छ । जसका लागि फिल्मको टिम हाल कश्मीरमा रहेको छ ।
यस फिल्ममा अभिनेत्री त्रिशा कृष्णन मुख्य भूमिकामा देखिनेछिन् । यससँगै अभिनेत्री तृषा र विजयको जोडी १४ वर्षपछि पुनः एकसाथ देखिन लागेको हो । यसअघि यी उनीहरूले सँगै ४ हिट फिल्म दिएका छन् । उनीहरु दक्षिण भारतीय फिल्म उद्योगका ब्लकबस्टर जोडी मध्ये एक हुन् । एजेन्सी ।
