काठमाडौं । बलिउड अभिनेता सिद्धार्थ मल्होत्रा र कियारा आडवाणीको विवाह संस्कार आज (आइतबार)देखि सुरु भएको छ । यो जोडीको विवाह समारोह जैसलमेरको सुर्यगढ प्यालेस होटलमा हुनेछ ।
भारतीय संचारमाध्यमका अनुसार दुबैजना आफन्त र परिवारसहित जैसलमेर पुगिसकेका छन् । आजदेखि केही दिनसम्म भव्यरुपमा वैवाहिक कार्यक्रमहरु हुने जनाइएको छ ।
कियारा र सिद्धार्थ विगत ३ वर्षदेखि एकअर्कालाई डेट गरिरहेका छन् । दुबैको प्रेमकथा फिल्म ‘शेरशाह’को सेटबाट सुरु भएको थियो । सिद्धार्थले फिल्म ‘स्टुडेन्ट अफ द इयर’बाट डेब्यू गरेका थिए ।
उनले अहिलेसम्म १५ वटा फिल्म गरिसकेका छन् । कियाराले २२ फिल्म गरिसकेकी छिन् । कियारा ३० करोडको मालिक छिन्, सिद्धार्थको कुल कमाई ७५ करोड छ ।
