उत्तरी घानाको एउटा अस्पतालमा २९ वर्षीय सुलेमान अब्दुल समिदको उचाइ नापिएको थियो । उनको उचाइ थियो, ९ फिट ६ इन्च । यो संसारमा अहिलेसम्म जन्मिएका मानिसको बीचमा सबै भन्दा धेरै उचाइको कीर्तिमान पनि हुन सक्थ्यो । तर, यो पर्याप्त भने थिएन, किनकी सामान्य क्लिनिकमा लिएको नापलाई औपचारिक मान्न कठिन थियो ।

केही वर्षदेखि उनलाई निगरानीमा राखिएको थियो । नाप्ने समयमा रडमा सिधा उभिन नै नसक्ने भएका कारण उभिन कठिन थियो । धेरै अस्पतालमा उनको उचाइ अनुसार रड नै थिएन ।

उनको नाम अउचे राखिएको छ । घानाको स्थानीय भाषामा अउचेको मतलब लेट्स गो हो । उनी अग्लो हुनु मात्र आश्चर्य होइन । उनको हरेक दिन उचाइ बढी रहेको छ ।

उनको उचाइ मापन अहिले पनि धेरैका लागि समस्याको विषय हो । स्थानीय स्वास्थ्य केन्द्रका नर्सले नै उनको उचाइको रहस्य पत्ता लगाउन अन्य धेरै व्यक्तिलाई बोलाएका थिए ।

एक व्यक्तिको उनको बारेमा अचम्मको अनुभव छ । केही महिना अघि उत्तरी घानामा पुग्दा अउचेको उचाइ कुनै टेपले नापिएको थिएन । त्यो समयमा १६ फिटको टेपले उसको उचाइ लिन कठिन भएको थियो । उनलाई भित्तामा टँसाएर भित्ताको कुन स्थानमा उनी पुग्दा रहेछन् भनेर हेर्ने नयाँ उपाय अपनाइएको थियो । अउचेलाई त्यो मापन पनि पूर्ण लागेन । त्यहाँबाट पर कुनै घरको पर्खाल उनको उचाइ नाप्नका लागि उपयुक्त ठहर भएको थियो ।

स्थानीय कारको टायरबाट बनाइएको चप्पल फुकालेर उनी उचाइ नाप्न तयार भएका थिए । त्यो चप्पल पनि बजारमा उनको लागि उपयुक्त साइजको नपाइएपछि स्थानीयहरूले हातैले बनाएका हुन् ।

उनको उचाइ लिनका लागि एक जना छिमेकीले स्टुलको व्यवस्था गरेका थिए । त्यसपछि चिनो लगाइएको स्थानमा टेपले नापिएको थियो। सो समयमा उनको उचाइ तय भएको थियो, ७ फिट ४ इन्च । अहिले संसारका रहेका सबै भन्दा अग्लो मानिसको बारे उनको चर्चा हुन थालेको छ । संसारका सबैभन्दा अग्ला मानिसको उचाइ ८ फिट २।८ इन्च थियो । त्यो उचाइ टर्कीका ४० वर्षीय सुल्तान कोसनेको हो । गीनीज बुक अफ वर्ल्ड रेकर्डमा उनकै नाम छ ।

केही महिना अगाडि नै उनले आफू बढी रहेको तथा कुनै दिन त्यो कीर्तिमान आफैले भङ्ग गर्ने योजना बनाएको कुरा भनेका थिए । प्रत्येक तीन या चार महिनामा उनलाई देख्नेहरूले पक्कै पनि केही फरक पाउने गरेका थिए ।

राजधानी अकारामा उनी २२ वर्षको भएदेखि बसोबास गरेका थिए । त्यसै समयदेखि नै उनको उचाइ यसैगरी बढी रहेको थियो । आफ्नो एक जना दाजु पनि त्यही भएका कारण उनी माध्यमिक तहको शिक्षा पुरा गरेपछि त्यहाँ गएका थिए । ड्राइभिङ प्रशिक्षणको तयारीका लागि उनले मासु बेच्ने काम गरी रहेका थिए ।

यसै काम गरीरहेको समयमा उनी एक दिन आश्चर्यमा परेका थिए । उनले आफ्नो जिब्रोले पनि सही काम नगरेको तथा श्वास प्रश्वासमा केही समस्या भएको जस्तो महसुस गरेका थिए । त्यसपछि उनी स्थानीय फार्मेसीमा औषधिका लागि गएका थिए । विस्तारै उनले आफ्नो शरीरको सबै भाग ठुलो हुँदै गएको महसुस गर्न थाले ।

यस पछि नै उनका आफन्त भेट्ने आएका थिए । ती सबैले भीमकाय स्वरूपमा उनी परिणत हुँदै गएको महसुस गर्न थालेका थिए। उचाइ बढेसँगै अन्य शारीरिक जटिलता देखिए पछि उनी चिकित्सकको निगरानीमा रहन सुरु गरेका थिए ।

तन्तुहरूको सन्तुलन मिल्न छाडेपछि उनमा ढाडको समस्या देखिन थालेको थियो । मरफान सिनड्रोमकै कारण उनी कुप्रो पर्न थालेका थिए। पछाडि फोको जस्तो भएको छ । यसले फोक्सो र श्वास प्रश्वासमा जटिलता देखिएको छ ।

उनको मुटुमा पनि जटिलता छ । यसरी दैनिक रूपमा हुने वृद्धिलाई रोक्नका लागि मस्तिष्कको शल्यक्रिया जरुरी रहेको चिकित्सकले बताइसकेका छन् । उनको आर्थिक अवस्था बलियो छैन । घानाको सामुदायिक स्वास्थ्य बिमाको रकमले पनि त्यो सम्भव देखिँदैन ।

स्वास्थ्य जटिलता कारण उनी ६ वर्ष अगाडि नै घर फर्किएका छन् । उनले ड्राइभर बन्ने सपनालाई तिलाञ्जलि दिई सकेका छन् । अहिले उनी कारमा सजिलो सँग बस्न पनि सक्दैनन् । त्यसो भएपछि गाडी चलाउन त परको कुरा भइसकेको छ । उनले दाजुसँग मिलेर केही ऋण खोजेर मोबाइल फोन मर्मत तथा विक्री गर्ने गरी गाउँमा सामान्य पसल खोलेका छन् ।

त्यसै उचाइले उनको सामाजिक जीवनलाई ध्वस्त बनाएको थियो । अन्य युवा जस्तै फुटबल खेल्ने र कुद्ने उनी अहिले ती कुनै पनि कुरा गर्न असमर्थ छन् । यस कारण उनको साथीसँगको घुलमिल समेत घटेको छ ।

समस्यामा चाङ उनीमाथि थपिएको छ । तथापि अउचे जीवन प्रति सकारात्मक छन् । स्थानीय स्तरमा उनी सेलीब्रेटी भएका छन् । उनलाई हेर्न आउनेको भीड लाग्ने गरेको छ । त्यसैलाई हेरेर उनी दङ्ग पर्ने गरेका छन् ।

उनीसँग फोटो खिचेर बस्नेको एउटा भीड लागेको छ । उनीसँग फोटो खिचाउन धेरै जना आउने गरेका छन् । उनको बारेमा धेरै मजाक गरेर गफ हुने गरेको छ । अउचे जो कोहीसँग नहिचकिचाई फोटो खिच्न चाहन्छन् ।

यस परिस्थितिमा भावनात्मक रूपमा साथ दिएकोमा उनी आफ्नो परिवारप्रति आभारी छन् । खासमा उनी आफ्ना तीन दाजुभाइ प्रति विशेष कृतज्ञ छन् । उनका दाजु भाइ सामान्य छन् । उनी मात्र अग्ला भएका हुन् । उनलाई पनि अन्य व्यक्तिलाई झैँ विवाह गर्न र बाल बच्चा जन्माउन रहर नभएको होइन । तथापि, उनका लागि पहिला यी सबै समस्या समाधान गर्न जरुरी छ ।

उनको पहिलो प्राथमिकता केही रकम जम्मा गरे गोडाको प्लास्टिक सर्जरी गर्ने हो । यसपछि सामान्य हिँड्न सक्ने हुने हो । तर, चिकित्सकीय रूपले हेर्दा उनमा रहेका धेरै जटिलता समाधान गर्न त आवश्यक छ नै । अहिले उनी भगवान् प्रति भरोसा गर्न थालेका छन् । भगवानले यसै रूपमा जन्म दिएका कारण यसलाई स्वीकार गर्नुको विकल्प नभएको उनी बताउँछन् ।

घानाका अन्य विशेषता पनि संसारको मान चित्रमा छन् । सन् १९९२ मा बहुदलीय व्यवस्थाको स्थापनापछि यो पश्चिम अफ्रिकामा सबैभन्दा स्थायित्व भएको देशको रूपमा परिचित छ । कुनै समय गोल्डक्वेस्टको नाममा पनि चिनिने यो देश सन् १९५७ मा ब्रिटिस साम्राज्यबाट स्वतन्त्र भएको हो । यो देश अब संसारकै अग्लो व्यक्तिको देश पनि हुन सक्ने छ । यसका लागि केही औपचारिक प्रक्रिया पुरा गर्न जरुरी छ ।

सुन, कोका र पछिल्लो समय कर्नर स्टोनबाट निकालिने तेल घानाका मुख्य आम्दानीका श्रोत हुन । अहिले संसारका सबै भन्दा अग्लो व्यक्ति सुल्तान कोसन भए पनि हालसम्मकै सबै भन्दा अग्लो व्यक्ति भने अमेरिकाका रोबर्ट वाडल हुन् । उनी ८ फिट ११ इन्च अग्ला थिए ।

रोबर्टको पनि विशेषता के थियो भने उनी अन्य व्यक्ति झैँ सानै उमेरमा फरक र पृथक् व्यक्तिको रूपमा स्थापित भएका होइनन् । सामान्य तौल भएका उनी पाँच वर्षको उमेरमा ५ फिट ४ इन्चका भई सकेका थिए ।

अहिले घानाका युवाका लागि थुप्रै स्वास्थ्य जटिलता छन् । तर, हालसम्मकै अग्लो व्यक्तिको रूपमा इतिहास कायम गर्ने अवसर पनि छ । यसका लागि केबल औपचारिक प्रक्रिया बाँकी छ ।