काठमाडौं । काठमाडौं महानगरपालिकाले ठूलाखाले साइनवोर्ड हटाउनका लागि पुनः सूचना निकालेको छ ।
यसअघि ३५ दिने सूचना जारी गरेको महानगरले आज मंगलबार अर्को सूचना निकाल्दै १५ दिन साइनबोर्ड हटाउन भनेको हो ।
३० वर्गफिट भन्दा ठूला साइनबोर्ड हटाउन अटेर गरे महानगरपालिका आफैंले त्यस्ता साइनबोर्ड हटाउने र त्यसबापत लाग्ने खर्च पनि सम्बन्धित पक्षबाट भराउने चेतावनी पनि दिइएको छ ।
काठमाडौं महानगरपालिकाभित्र रहेका पसल, व्यापारिक प्रतिष्ठान, संघ–संस्था, बैंक तथा वित्तिय संस्था, सरकारी तथा गैरसरकारी कार्यालयहरुलगायतलाई महानगरपालिकाले ३० वर्गफिट भन्दा ठूला साइनबोर्ड हटाउन भन्दै आएको छ ।
साथै साइनबोर्ड राखे बापतको शुल्क तिर्न पनि महानगरपालिकाले आग्रह गरेको छ ।
