काठमाडौँ – काठमाडौँ उपत्यकासहित देशैभर चिसो बढेको छ । चिसोका कारण बिरामी हुनेको संख्या पनि बढेको छ । जसले गर्दा अस्पतालमा बिरामीको संख्या पनि दिन प्रतिदिन बढ्दो छ ।
यस्तो अवस्थामा शरीरलाई बदलिएको मौसममा घुलमिल हुन गाह्रो हुन्छ । मौसम फेरबदल हुँदा खानपान लगायतका कुरामा ध्यान पुर्याउन सके यसबाट हुने जोखिमबाट बच्न सकिन्छ ।
तर त्यसका लागि चिसोले गर्ने असर, हुन सक्ने क्षति र त्यसबाट बच्न गर्नुपर्ने उपायका बारेमा राम्ररी थाहा पाउन आवश्यक छ ।
चिसोले पार्न सक्ने असर
– शरीरलाई बहिरी वातावरणमा समायोजन हुन गाह्रो हुन्छ ।
– पहिलादेखिको रोगीलाई भने झन् धेरै असर गर्छ ।
– मुटु तथा हाडजोर्नीको समस्या छ भने बल्झिने हुन्छ ।
– युरिक एसिड, दमलगायतका रोग छ भने बल्झिने हुन्छ ।
– रुघाखोकी लाग्ने सम्भावना धेरै हुन्छ ।
– चिसोका कारण रक्तनली साँघुरिएर रक्त प्रवाहमा असर गर्छ । यसले हृदयाघातको सम्भावना बढेर जान्छ ।
चिसोबाट कसरी बच्ने रु
– न्यानो कपडा लगाउने ।
– घरमा बस्दा पनि न्यानो कपडा लगाउने ।
– आगो ताप्ने ।
– यो मौसममा शरीरमा पानी कम हुने भएकाले प्रशस्त मात्रामा तातो पानी पिउने ।
– चिसो खानेकुरा सकेसम्म नखाने, तातो खाना खाने ।
– धेरै मात्रामा झोलिलो खानेकुरा खाने । धेरै नुनिलो नखाने
– पौष्टिक खानेकुरामा जोड दिने ।
– बालबालिका तथा वृद्धवृद्धालाई तेल मसाज गरिदिने ।
– मर्निङ वाक तथा इभिनिङ वाक नगर्ने ।
– समस्या परेमा स्वास्थ्य जाँच गराउने ।
