काठमाडौं । चलचित्र सेन्सर बोर्डले फिल्म ‘डेसान’ लाई हेर्दै सबैले हेर्न मिल्ने ‘युनिभर्सल प्रमाण पत्र दिँदै सेन्सर पास गरेको छ ।
निर्देशक कमल एक्चै मगरले चलचित्रको सेन्सर पास भएको सामाजिक सञ्जालमार्फत सार्वजनिक गरेका छन् । उनले सेन्सर पास भएको प्रमाण पत्रका साथ लेखका छन्, ‘युनिभर्सल प्रमाण पत्रका लागि सेन्सर बोर्डप्रति अभारी छौं ।’
नवअभिनेता, अभिनेत्रीद्वय निशान चौहान र पुनम थापाको मुख्य भूमिका रहेको चलचित्रमा भोला सापकोटा, नम्रता सापकोटा,कविता आले,आरुषजंग सारु, मलिका बस्नेत, प्रमिशा सारुमगर लगायतको अभिनय रहेको छ ।
चक्रबहादुर महर्जनको छायांकन, हरि लम्सालको संगीत, राजु थापाको शब्द तथा अजय स्याङतेनको कोरियोग्राफी रहेको छ । चलचित्र आगामी शुक्रबारबाट प्रदर्शनमा आउने छ ।
