घोराही । दाङको निर्वाचन क्षेत्र नं. २ (क) मा नेपाली कांग्रेसका उम्मेदवार राजु खनाल बिजयी हुनुभएको छ । कांग्रेस लुम्विनी प्रदेशका उपसभापति समेत रहनुभएका खनालले एक हजार १७६ मत अन्तरले नेकपा (एमाले) का उम्मेदवार बलिभद्र राना मगरलाई पराजित गर्दै बिजयी हुनुभएको हो ।
बिजयी खनालले १५ हजार ६१६ मत प्राप्त गर्नुभएको छ । उहाँका निकटतम प्रतिष्पर्धी एमालेका रानामगरले १४ हजार ४ सय ४९ मत मात्रै प्राप्त गर्नुभएको थियो । प्रदेश निर्वाचन कार्यालय दाङका अनुसार यस क्षेत्रमा ३७ हजार ८६ मत खसेको थियो । खसेको मतमध्ये १ हजार ४ सय ८५ मत बदर भएको थियो ।
