कार्तिक १४ रुपन्देही । रूपन्देहीमा भैरहवाबाट परासीतर्फ जाँदै गरेको कारले ओमसतिया ४ पननीमा बिहान ठक्कर दिँदा १ शिशुसहित ३ जनाको मृत्यु भएको प्रहरीले जनाएको छ ।
मृतकहरू ओमसतिया –४ का वर्ष १४ की सीमा कुर्मी, वर्ष २८ की प्रमीला कुर्मी र ३५ दिनको १ शिशु रहेका छन् । घटनामा शिशुकी आमा २४ वर्षीय वन्दना कुर्मी र सोही ठाउँ बस्ने २६ वर्षीय मञ्जु कुर्मी घाइते भएका छन् । घाइतेको भैरहवा स्थित युनिभर्सल मेडिकल कलेजमा उपचार भइरहेको छ । ठक्करपछि फरार भएको गाडीको खोजी भइरहेको प्रहरीले जनाएको छ ।
