असोज ६ कैलाली । कैलालीको गौरीगंगा नगरपालिका वडा नम्बर ५ मा ३६ वर्षीय शेरबहादुर नामजाली मगरलाई श्रीमतीको हत्या आरोपमा प्रहरीले पक्राउ गरेको छ। बुधबारमात्रै भारतबाट फर्केका उनले बिहीबार बिहान आफ्नी ३३ वर्षीया श्रीमती ललिता नाम्जाली मगरको हत्या गरी फरार रहेकाले उनलाई पक्राउ गरिएको प्रहरीले जनाएको छ।
श्रीमतीको हत्यासँगै १७ वर्षीया छोरी लक्ष्मी नाम्जाली मगरलाई पनि उनले कुटपिट गर्दा लक्ष्मीको टाउकोमा चोट लागेको छ । यस्तै १२ वर्षीय छोरा विजय नाम्जाली मगर पनि घाइते छन्। उनलाई चोट लागेको छ।
