काठमाडौं, २३ असार । काठमाडौंको सानोभर्याङ र शंखरापुरमा भएका छुट्टाछुट्टै दुर्घटनामा दुई जनाको मृत्यु भएको छ।
आज बिहान सानोभर्याङमा बा ९५ प ९७२३ नम्बरको स्कुटर अनियन्त्रित भई सडक डिभाइडरमा ठोक्किँदा दुर्घटना भएको प्रहरीले जनाएको छ । प्रहरीका अनुसार दुर्घटनामा स्कुटरको पछाडि सवार चितवनका अर्जुन लोहनीको मृत्यु भएको छ ।
त्यस्तै, शंखरापुर नगरपालिका–९ खुलालटारमा बा ५८ प ६५५० नम्बरको मोटरसाइकल दुर्घटना भएको हो। दुर्घटनामा मोटरसाइकल चालक ४५ वर्षीय दीपक केसीको मृत्यु भएको प्रहरीले जनाएको छ ।
