मंसिर २६,
नेपाली राष्ट्रिय फुटबल खेलाडीको तलब बढेको छ । अब महिला र पुरुषले समान तलब पाउने भएका छन् ।
अखिल नेपाल फुटबल संघ (एन्फा) ले राष्ट्रिय फुटबलको तलब बढाउनुका साथै महिला तथा पुरुषलाई समान तलब दिने निर्णय गरेको हो। बिहीबार बसेको एन्फाको कार्यसमिति बैठकले राष्ट्रिय टिमका खेलाडीको तलब मासिक १८ हजार पुर्याउने निर्णय गरेको स्रोतले बताएको छ ।
पुरुष फुटबलर मासिक १५ हजार रुपैयाँ पाउँदै आएका थिए। यस्तै महिला खेलाडीले भने मासिक ७ हजार मात्र पाउने गर्थे । जसमा पुरुषको ३ हजार बढाउँदा महिलाको पुरुष सरह बनाउन मासिक ११ हजार बढाइएको छ ।
विभिन्न देशले महिला खेलाडीको तलब पुरुष सरह बनाएपछि नेपालमा पनि समान तलब हुनु पर्ने विषयमा महिला खेलाडीले आवाज उठाउँदै आएका थिए ।
