मंसिर ८,
किरण विकको लेखन तथा निर्देशनमा बन्न लागेको चलचित्र 'भाँडाकुटी' को टिम रुपन्देही पुगेको छ । चलचित्र छायांकनको लागी रुपन्देहीका शहरी तथा ग्रामीण क्षेत्रहरुमा सेटको तयारी गरेको फिल्म यूनिटले जानकारी गराएको छ ।
दृश्यालय सिनेमा प्रा.लिद्वारा निर्माण हुनलागेको फिल्म कमेडी र सामाजिक यथार्थमा केन्द्रित रहने एसोसियट डिरेक्टर आचार्य गोपालले जानकारी दिए । उनका अनुसार फिल्म भाँडाकुटीको मुख्य विषय दलित प्रेमकथा भए पनि अरु सहायक कथा पनि जोडिदै दर्शकलाई समाजिक धारातलामा उभ्याउनेछ ।
अस्ट्रेलिया बसोबास गर्दै आएका कलम खड्काले निर्माण गर्ने उक्त चलचित्रको आइतबार बुटवलमा एक समारोहका बीच औपचारिक घोषणा गरिएको छ ।
चलचित्र पत्रकार संघ , रुपन्देहीको आयोजनामा भएको घोषणा तथा पत्रकार भेटघाट समारोहमा निर्देशक बिकले युवाहरुको समूहले सामाजिक परिवेशमा आधारित चलचित्र बनाउन लागेको बताउँदै उत्कृष्ट बन्नेमा विश्वास रहेको जानकारी गराए । सो अवसरमा नायक मुकुन भुषाल र नायिका बेनिशा हमालले पुरानो परम्परा र सोँचलाई नयाँ पुस्ताले चलचित्रमार्फत प्रस्तुत गरिने कथा अनुसार बन्न लागेको बताउँदै आफूहरुले उत्कृष्ट प्रस्तती दिने बताए । सोही अवसरमा कार्यक्रमलाई सम्बोधन गर्दै, नायक मुकुन भुषाल र नायिका बेनिशा हमालले पुरानो परम्परा र सोचलाई नयाँ पुस्ताले चलचित्रमार्फत प्रस्तुत गरिने कथा अनुसार बन्न लागेको बताउँदै आफूहरु उत्साहित भएको बताए ।
फिल्मको कथा किरण विक र गोपाल आचार्यले सहकार्यमा लेखेका हुन् । दुवै ओस्कार फिल्म कलेजका पूर्व विद्यार्थी हुन् ।
