१५ असोज, काठमाण्डौ । ईन्डियन प्रिमियर लिगमा कोलकाता नाइट राइडर्सले दोस्रो जित निकालेको छ । बुधबार राति भएको खेलमा कोलकाताले राजस्थान रोयल्सलाई ३७ रनले हरायो ।
दुबई क्रिकेट मैदानमा टस हारेर ब्याटिङको निम्तो पाएको कोलकाताले निर्धारीत २० ओभरमा ६ विकेट गुमाउँदै एक सय ७४ रन बनायो ।
मध्यम सुरुवात गरेको कोलकाताले ३६ रनमा पहिलो विकेट गुमायो । त्यसपछि ८२ रनमा दोस्रो विकेट गुमाएको कोलकाताले ८९ रनमा तेस्रो विकेट खेर फालेको थियो ।
उसको मध्यक्रमका खेलाडीविच राम्रो साझेदारी हुन सकेन । कोलकाताले एक सय ४९ रन हुँदा ५ विकेट गुमाएको थियो ।
