काठमाडौं, १ भदौ । सत्तारुढ नेपाल कम्युनिष्ट पार्टी (नेकपा) र प्रमुख प्रतिपक्षी नेपाली कांग्रेसबीच सहमति भएको छ ।
संवैधानिक निकायमा रिक्त रहेको पदपूर्ति गर्ने विषयमा दुई दलबीच सहमति भएको हो ।
बालुवाटरमा सोमबार भएको छलफलमा यस्तो सहमति भएको हो ।
बैठकमा सत्तारुढ दलबाट प्रधानमन्त्री प्रधानमन्त्री केपी शर्मा ओली, पार्टी अध्यक्ष प्रचण्ड र संसदीय दलका उपनेता सुवासचन्द्र नेम्वाङ सहभागी थिए।
कांग्रेसका तर्फबाट देउवा र नेता रमेश लेखक सहभागी थिए।
संवैधानिक निकायमा नियुक्तिका लागि कांग्रेस तयार रहेको देउवाले छलफलमा बताएका थिए ।
यस्तै छलफलमा सभापति देउवाले बाढी पहिरो समस्या, कोरोना संक्रमण तथा नेविसंघका कार्यकर्ताको पक्राउको विषयसमेत बैठकमा उठाएका थिए।
– फाइल तस्बिर
