काठमाडौं । प्रतिनिधि सभाको बैठक सुरु हुन केही ढिलाइ भएको छ । संविधानसभा सदस्य एवं राष्ट्रिय प्रजातन्त्र पार्टीका सांसद दीपक बोहराको निधनका कारण बैठक बस्न ढिलाइ हुने भएको हो । सभामुख देवराज घिमिरे प्रतिनिधिसभाको बैठक कक्षमा पुगेपछि बोहराको निधनको खबर आएकाले केहीबेर रोकिएको संसद् सचिवालयले जनाएको छ ।
सम्बन्धित दलबाट निधनको पत्र आउन बाँकी रहेकाले संसद् केही ढिला सुरु हुने भएको हो । आजको बैठक हिउँदे अधिवेशनको अन्तिम बैठक हो । बैठकमा शोक प्रस्ताव पारित भएपछि अन्त्य गर्ने तयारी रहेको छ ।
