काठमाडौं । गणतन्त्रवादी र राजसंस्थावादी दुवैले माध्यमिक शिक्षा परीक्षा (एसईई)लाई मध्यनजर गर्दै प्रदर्शनको समय पछि सारेका छन् । आज (शुक्रबार) काठमाडौंमा प्रदर्शनको तयारी गरिरहेका उनीहरूले प्रदर्शन मध्यान्ह १२ बजेदेखि सुरु गर्ने बताएका छन् । यसअघि बिहान ११ बजेका लागि समय तय गरिएको थियो ।
राजसंस्था पुनस्र्थापनाका लागि संयुक्त जनआन्दोलन समितिका प्रवक्ता स्वागत नेपालले पहिले ११ बजे तय भएको कार्यक्रम सारिएको जानकारी दिए । भक्तपुरबाट हिँड्ने गरी तालिका बनाइएकोमा अहिले साढे ११ बजे पुरानो ठिमीको कमेरोटारमा भेला हुने तय भएको उनले बताए ।
यस्तै एसईई परीक्षा ११ बजेसम्म चल्ने भएकोले समाजवादी मोर्चा नेपालले मोर्चाले शुक्रबार भृकुटीमण्डपमा हुने प्रदर्शनलाई १२ बजे सारिएको एकीकृत समाजवादीका पोलिटब्युरो सदस्य लक्ष्मण केसीले जानकारी दिए ।
