कैलालीको जंगलमा झन्डै १५० जनाभन्दा बढी विदेशीहरू एक साताभन्दा बढी समयदेखि बसिरहेको खुलेको छ। केही नेपालीसहित १६ देशका नागरिकहरू कैलालीको घोडाघोडी नगरपालिका-९ को सिमली जंगलमा बसिरहेको खुलेको हो।
स्थानीय प्रशासनले भने तीन दिनअघि मात्रै जंगलमा विदेशीहरू बसिरहेको भनेर थाहा पाएको छ। त्यसरी विदेशीहरू जंगलमा बसिरहेको भन्ने सूचनापछि कैलालीका प्रमुख जिल्ला अधिकारी गोगनबहादुर हमाल आफै निरीक्षण गर्न गएका थिए। निरीक्षण क्रममा उनले त्यहाँ १६ देशका झन्डै डेढसय मानिसहरू बसिरहेको फेला परेको जानकारी दिए।
