नेकपा एमालेका सांसद गोकुल बास्कोटाले आफ्नो कुरा सरकारले नसुनेको गुनासो गरेका छन् । बिहीबार प्रतिनिधि सभामा आकस्मिक समयमा बोल्दै उनले यस्तो गुनासो गरेका हुन् ।
एसईई परीक्षा सुरुआत भएको उल्लेख गर्दै उनले आफ्नो निर्वाचन क्षेत्रका विद्यार्थीको भने स्कुलमा पुग्दा आँखाभरी धुलो अवस्था रहेको बताए ।
‘कोरीबाटी गरेर विद्यार्थीहरूलाई स्कुल पठाउने कुरा हुन्छ । तर, साँगादेखि धुलिखेलसम्म २४ सै घण्टा धुलो उड्छ र एसईई परीक्षा दिन जाने विद्यार्थीहरू स्कुल पुग्दा आखा नदेख्ने स्थिति हुन्छ । उनीहरूले जाँच कसरी दिन्छन् ?’ सरकारलाई बास्कोटाको प्रश्न छ ।
