चैत ६ काठमाडौं । दिनदिनै स्टेज कार्यक्रममा व्यस्त दुर्गैश थापाले एसईई परीक्षा अवधिभर आफुले कुनै कार्यक्रम नगर्ने घोषणा गरेका छन । पछिल्लो समयका चर्चित स्टेज प्रफोमर्स उनले विद्यार्थीको परीक्षालाई लक्षित गरेर यस्तो घोषणा गरेका हुन ।
२ महिनाअघि दुर्गेश थापा युट्युब च्यानलबाट रिलिज गरिएको ‘दुश्मन हेरेको हे¥यै’ ले लोभ लाग्दो चर्चा पाएसँगै गत माघ महिनादेखि विभिन्न मेला महोत्सवमा प्रस्तुती दिदैँ आएका थिए । तर, भोलि (बिहीबार) बाट राष्ट्रिय परीक्षा बोर्ड, परीक्षा नियन्त्रण कार्यालयले लिने माध्यमिक शिक्षा परीक्षा (एसइई) सुरु हुने भएपछि दुर्गेशले एक विज्ञप्ती जारी गर्दै देशै भर कुनै स्टेज कार्यक्रम नगर्ने घोषण गरेका हुन् ।
