काठमाडौं । केहि दिनदेखी लगातार बढेको सेयर बजार सोमबार पनि सामान्य अंकले बढेको छ । साताको दोस्रो कारोबार दिन सोमबार बजार ३.३५ अंकले बढेर २७५८.७५ को विन्दुमा पुगेको नेपाल स्टक एक्सचेन्ज(नेप्से)ले जनाएको छ । बजार बढे पनि कारोबार रकम भने घटेको छ । आइतबार ११ अर्ब ५४ करोडको कारोबार भएको बजारमा सोमबार ११ अर्ब ८ करोडको कारोबार भएको छ ।
आज ९० कम्पनीको सेयर मुल्य बढेको छ भने १४५ कम्पनीको सेयर मुल्य घटेको छ । बाकी ९ कम्पनीको सेयर मुल्यमा कुनै परिर्वतन आएको छैन् । सोमबार गार्डियन माइक्रोलाइफ इन्स्योरेन्सको सेयर मूल्य १० प्रतिशतले बढेको छ भने विन नेपाल लघुवित्तको मूल्य १० प्रतिशतले घटेको छ ।
