काठमाडौं । साताको पहिलो कारोबार दिन आइतबार सेयर बजारमा गिरार्वट आएको छ । आज बजार ११.४९ अंकले घटेर २६८८.३१ को विन्दुमा झरेको नेपाल स्टक एक्सचेन्ज (नेप्से)ले जनाएको छ । बजार घटेसंगै कारोबार रकम पनि घटेको छ । बिहिबार ९ अर्ब २४ कारोडको कारोबार भएको बजारमा आइतबार ८ अर्ब ३९ करोडको कारोबार भएको छ ।
आइतबार ६८ कम्पनीको सेयर मुल्य बढेको छ भने १६८ कम्पनीको सेयर मुल्य घटेको छ । बाकी ६ कम्पनीको सेयर मुल्यमा कुनै परिर्वतन आएको छैन् । आइतबार केन्द्रीय वित्त कम्पनी लिमिटेड र गार्डियन माइक्रो लाइफ इन्स्योरेन्स लिमिटेडले सकारात्मक सर्किट हानेको छ । आज यि दुई कम्पनीको सेयर मुल्य १० प्रतिशतले बढेको छ ।
