शहीद धर्मभक्त राष्ट्रिय प्रत्यारोपण केन्द्रमा ३२औँ कलेजो प्रत्यारोपण सफल भएको छ । केन्द्रका निर्देशक पुकारचन्द्र श्रेष्ठका अनुसार माघ १५ गते केन्द्रमा भर्ना भएका बिरामीको सफलतापूर्वक कलेजो प्रत्यारोपण गरी डिस्चार्ज गरिएको छ । बिहीबार प्रत्यारोपित बिरामीलाई घर पठाइएको हो ।

‘यही माघ १५मा यस केन्द्रमा गते गरिएको ३२औँ कलेजो प्रत्यारोपण सकुशल डिस्चार्ज भएका छन्’, केन्द्रले जारी गरेको सूचनामा भनिएको छ । ललितपुरको गोदावरी नगरपालिकाका ५६ वर्षीय व्यक्तिको कलेजो प्रत्यारोपण गरिएको हो । उहाँलाई ४१ वर्षीय श्रीमतीले कलेजो दान गर्नुभएको थियो । अंगदान गर्ने श्रीमती सातौँ दिनमै डिस्चार्ज हुनुभएको थियो भने बिरामीलाई ९औँ दिनमा डिस्चार्ज गरिएको बताइएको छ ।

प्रत्यारोपण शल्यचिकित्सक डा. पुकारचन्द्र श्रेष्ठको नेतृत्त्वको टोलीले गरेको थियो । टोलीमा डा. रोशन घिमिरे, डा. आरती राईसमेत रहुनभएको थियो । त्यस्तै डा. बादल महर्जन, नर्सिङ निर्देशक पूजा कोइराला नेतृत्त्वको नर्सिङ टोली प्रत्यारोपणमा संलग्न हुनुहुन्थ्यो ।