जापानी राजदूतावास र जापान फाउन्डेसनको संयुक्त आयोजनामा जापानी फिल्म फेस्टिभल २०२५ हुने भएको छ। आयोजकले प्रेस विज्ञप्ति सार्वजनिक गर्दै काठमाडौँ र पोखरामा फेस्टिभल हुन लागेको जानकारी दिएको हो। आयोजकका अनुसार फेस्टिभल जनवरी ३१ र फ्रेबुअरी १ मा काठमाडौँको राष्ट्रिय नाचघर, जमलमा हुनेछ।
त्यस्तै, फेब्रुअरी ७ र ८ मा पोखराको गैरापाटनस्थित पोखरा उद्योग वाणिज्य संघमा हुँदैछ। पोखरा र काठमाडौँमा गरी चार दिन चल्ने फेस्टिभलमा १० जापानी फिल्म देखाइने विज्ञप्तिमा उल्लेख छ। काठमाडौँमा ‘ब्रेभ फादर अनलाइन: आवर स्टोरी अफ फाइनल फन्टासी XIV,’ ‘आईटीओ,’ ‘ड्रिमिङ अफ द मेरिडियन आर्क,’ ‘लु ओभर द वाल,’ र ‘द फिश टेल’ देखाइनेछ।
त्यस्तै, पोखरामा ‘तकानाे ताेफु,’ ‘हाेयर आइ बिलङ,’ ‘एन्ड साे द बटाेन इज पास्ड,’ ‘कि अफ लाइफ’ र ‘द लाइन द् याट डिफाइन मि’ देखाइनेछ। फेस्टिभलमा प्रवेश निशुल्क रहेको विज्ञप्तिमा जानकारी दिइएको छ।
