काठमाडौं । ‘रङ्गेली’ चलचित्रका निर्देशक अर्जुन सुवेदीले नयाँ चलचित्र‘सोल्टिनी’ निर्माण गर्ने घोषणा गरेका छन् । सोमवार एउटा परिचयात्मक भिडियोमार्फत चलचित्रका मुख्य पात्र र विषयवस्तु प्रस्तुत गर्दै चलचित्रको औपचारिक घोषणा गरिएको हो । चलचित्रको मुख्य भुमिकामा प्रकाश सपुत र परीक्षा लिम्बु रहने भउका छन् ।
चलचित्रले समाजमा विद्यमान अमानवीयता र जातीय भेदभावलाई उजागर गर्दै यसविरुद्ध आवाज उठाउने कथा प्रस्तुत गर्ने बताइएको छ । चलचित्रको कथा भोजपुरको कुनै गाउँमा आधारित रहेको भिडियो जनाइएको छ । चलचित्रको थिम गीतले भावनात्मक स्पर्श थपेको छ ।
प्लानेट थ्री फिल्म्सको प्रस्तुति तथा नेपसिनेको र योलो इन्टरटेन्मेन्टको सहकार्यमा बन्न लागेको यो चलचित्रको छायांकन आगामी पुस १५ गतेदेखि सुरु हुने बताइएको छ । चलचित्रघोषणासँगै रिलिज मिति पनि २०८२ सालको असोज ३ गते संविधान दिवसको दिनलाई तोकिएको छ ।
