मेडिकल व्यवसायी दुर्गा प्रसाईंसँग केन्द्रीय अनुसन्धान ब्युरो (सीआईबी) ले बयान लिएको छ । फर्जी कागजात सार्वजनिक गरेको अभियोगमा अनुसन्धानका लागि साइबर ब्युरोको हिरासतमा रहेका प्रसाईंसँग सीआईबीले पनि बयान लिएको हो । सीआईबले भारतीय गुण्डा नाइके लरेन्स विश्नोईको नाम लिएर व्यवसायीहरू लगायतलाई धम्क्याएको आरोपमा उनीसँग बयान लिएको हो ।
यही प्रकरणमा झापाका हरिचन्द्र फुयललाई पक्राउ परेका थिए भने यसबारे दुर्गाको संलग्नता खुलेपछि यसअघि नै उनीविरुद्ध पक्राउ पुर्जी जारी भएको थियो । बयानका क्रममा दुर्गाले विश्नोईको नाममा विभिन्न ठाउँमा धम्क्याउन आफूले ५ लाख दिएको स्वीकार गरेको अनुसन्धानमा संलग्न एक अधिकारीले बताए ।
