काठमाडौं । सहकारी रकम अपचलनको मुद्दामा बयान लिन राष्ट्रिय स्वतन्त्र पार्टी (रास्वपा)का सभापति रवि लामिछानेलाई चितवन लगेसँगै उनका समर्थकहरूले प्रदर्शन गरेका छन् । रविलाई चितवनबाटै रिहा गर भन्दै उनका समर्थकहरूले मंगलबार प्रदर्शन गरेका हुन् । भरतपुरको कृषि कार्यालयअगाडि जम्मा भएर रविका समर्थकहरूले नाराबाजी गरेका थिए ।
उनीहरूले रविलाई रिहा गर, राजनीतिक प्रतिशोध बन्द गर, रविलाई न्याय दे लगायका नारा लगाएका थिए । कृषि कार्यालयबाट प्रदर्शनकारी अघि बढ्न खोजेपछि प्रहरीले रोकेको थियो । सो क्रममा प्रहरीले सामान्य बल प्रयोग गरेको थियो । चितवनको साहारा सहकारीको रकम अपचलनको विषयमा पीडितहरूले पछिल्लोपटक रास्वपा सभापति लामिछानेसहित १० जनाविरुद्ध पूरक जाहेरी दिएका थिए ।
