काठमाडौं । अभिनेता विपिन कार्की र अभिनेत्री मिरुना मगरको मुख्य भूमिकामा बनेको चलचित्र ‘ऊनको स्वीटर’ आगामी बैशाख २६ गतेबाट प्रदर्शनमा आउने भएको छ । सोमबार एक क्यारेक्टर पोस्टर सार्वजनिक गर्दै प्रदर्शन मिति घोषणा गरिएको हो । सार्वजनिक पोस्टरमा विपिन र मिरुनालाई देखाइएको छ ।
नवीन चौहानको निर्देशन रहेको चलचित्रमा विपिन र मिरुनासहित सुनिल पोखरेल, माओत्से गुरुङ, विल्सन विक्रम राई, प्रेम सुब्बा, एलेक्स पारस, परीक्षा लिम्बु, सुरज तमू, शारदा देवी सिलवाल लगायतको अभिनय छ । आर्टमाण्डूले चलचित्रको निर्माण गरेको हो । यो कम्पनीले निर्माण गरेका ‘बाफ’, ‘तीनपाते’, ‘के माया लाग्छ र ?’, ‘सुनाखरी’ जस्ता गीत लोकप्रिय छन् । चलचित्रमा निर्देशक चौहान स्वयंको लेखन छ भने उनलाई सुरज कटुवालले सघाएका छन् ।
