पूर्वराज्यमन्त्री एवं माओवादी नेता पदम राई (विकास) को पार्थिव शरीर श्रद्धाञ्जलीका लागि पार्टी मुख्यालय पेरिसडाँडामा राखिएको छ । लामो समयदेखि पार्किन्सनबाट थलिएका माओवादी केन्द्रका केन्द्रीय राईको शनिबार उपचारका क्रममा वीर अस्पतालमा निधन भएको थियो । उनको श्रद्धाञ्जलीका लागि माओवादीका शीर्ष नेता, शुभेच्छुक र आफन्त पेरिसडाँडा पुगेका छन् ।
अध्यक्ष प्रचण्डले पार्टीको झण्डा ओढाएर पदमप्रति सम्मान व्यक्त गरे । २०६४ सालको संविधानसभा चुनावमा भोजपुर १ बाट निर्वाचित उनी पूर्वअन्तरिम व्यवस्थापिकाका विधायक तथा भौतिक योजना राज्यमन्त्री हुन् । १२ बजेपछि पशुपतिमा उनको अन्तिम संस्कार गर्ने तयारी छ ।
