काठमाडौं । अस्ट्रेलियाको सिड्नीमा नोभेम्बर २३ मा हुन लागेको नेपाल महोत्सव आयोजनाको तयारी पूरा भएको छ । आयोजकले महोत्सवको तयारी पूरा भएको जनाएको छ । हरेक दुई वर्षमा गैरआवासीय नेपालीको संगठन एनआरएनएले आयोजना गर्दै आएको महोत्सव सिड्नीको पर्यटकीय स्थल डार्लिङ्ग हार्बरस्थित टुम्बालोङ्ग पार्कमा हुँदैछ ।
नेपाली कला, संस्कृति, परम्परा तथा पर्यटनलाई प्रोत्साहन गर्ने मुख्य उद्देश्यका साथ हरेक दुई वर्षमा नेपाल महोत्सवको आयोजना हुने गरेको छ । महोत्सवमा प्रिमियरका साथै अस्ट्रेलियाका उच्च राजनीतिक नेता तथा सांसदहरूको समेत सहभागिता रहने आयोजकले जनाएको छ ।एनआरएनए अस्ट्रेलियाकाकाअनुसार महोत्सवमा ३० हजार बढीले अवलोकन गर्ने अनुमान छ ।
महोत्सवमा नेपाली खाना, गरगहना, हस्तकला, पर्यटन लगायतका विभिन्न स्टलहरू राखिनेछ भने महोत्सवका आगन्तुकका लागि विभिन्न सांस्कृतिक कार्यक्रमको समेत आयोजना गरिएको छ ।
कार्यक्रमलाई सांगितिक बनाउका लागि नेपाली ब्याण्ड द एक्स, गायक हेमन्त शर्मा र गायिका आस्था राउतका साथै स्थानीय नेपाली कलाकारले आफ्नो सांगितिक प्रस्तुती दिनेछन् ।
