तनहुँ । तनहुँको व्यास नगरपालिका–१, गल्बुबेसीमा सोमबार ट्याक्टरले ठक्कर दिँदा आठ वर्षीय बालकको मृत्यु भएको छ । ठक्करबाट सविन कुमालको मृत्यु भएको जिल्ला प्रहरी कार्यालयले जनाएको छ ।
ग१त ७०३१ नम्बरको ट्याक्टरको ठक्करबाट घाइते भएका बालकको उचारका क्रममा मृत्यु भएको प्रहरी नायब उपरीक्षक अशोक थापाले जानकारी दिए ।
उनी सोही वडास्थित ज्ञानगंगा बोडिङ स्कुलमा कक्षा–२ मा अध्ययनरत थिए । ट्याक्टरको ठक्करबाट सख्त घाइते भई उपचारका क्रममा दमौली अस्पतालमा उनको मृत्यु भएको हो । ट्याक्टर चालक प्रदीप विकलाई प्रहरीले नियन्त्रणमा लिएर थप अनुसन्धान भइरहेको प्रहरी नायब उपरीक्षक थापाले बताए । रासस
