काठमाडौं । चलचित्र‘रंगी’मा पूर्वमिस नेपाल नम्रता श्रेष्ठ अनुबन्ध भएकी छन्। सलोन सलिना फिल्मस् प्रालिको ब्यानरमा बन्ने चलचित्रको प्रस्तुतकर्ता अभिनेता सलोन बस्नेत हुन्। ‘रंगी’बाट नम्रताले चलचित्र क्षेत्रमा ‘डेब्यु’ गर्न लागेकी हुन् । चलचित्रलाई सुरेश न्यौपानले निर्देशन गर्ने छन् भने सक्षम सुवेदीको निर्माण रहनेछ ।
यसअघि निर्माण पक्षले चलचित्रको टाइटल पोस्टर सार्वजनिक गरेको छ। जहाँ साइकलमा बसिरहेकी एक बालिका र उनीसँग खेल्दै गरेका एक पुरुष देखाइएको छ। उनीहरू बाबु–छोरी रहेको अनुमान लगाउन सकिन्छ।
पृष्ठभूमिमा सूर्यास्त हुँदै गरेको देखाइएको छ। चलचित्रले बाबु छोरीको कथालाई चित्रण गर्ने अनुमान गर्न सकिन्छ । चलचित्रमा सुमन गजमेरको लेखन रहेको छ भने सौरभ लामा छायाकारका रूपमा अनुबन्ध भइसकेका छन्।
